Presidenti i Shteteve të Bashkuara, Joe Biden, ia bëri të qartë homologut rus, Vladimir Putin përmes një telefonate se SHBA-ja “do të ndërmarrë çdo veprim të nevojshëm” për të ndaluar sulmet kibernetike nga Rusia.
Një gazetar e pyeti Bidenin pas bisedës nëse Rusia do të përballet me pasoja dhe ai tha: “Po”. “Ia kam bërë shumë të qartë se Shtetet e Bashkuara presin që kur një sulm kibernetik vjen nga toka e tij edhe nëse nuk është i sponsorizuar nga shteti ata duhet të veprojnë, nëse ne u japim informacione të mjaftueshme se kush është”, tha shefi i Shtëpisë së Bardhë.
Kur një gazetar pyeti nëse SHBA-ja mund të sulmojë serverët e përdorur nga hakerët, Biden tha: “Po”. Kremlini pretendon sakaq se Washingtoni nuk e ka kontaktuar Moskën në lidhje me sulmet kibernetike. “Pavarësisht gadishmërisë nga pala ruse për të goditur bashkërisht veprimtarinë por një zyrtar i paidentifikuar amerikan i mohoi pretendimet e Rusisë, duke thene se administrata Biden ka bërë “kërkesa të shumëfishta, specifike për veprim”.
Biseda telefonike mes dy udhëheqësve vjen më pak se një muaj nga takimi i tyre në Gjenevë, kur Biden paralajmëroi kunder sulmeve të vazhdueshme kibernetike që vijnë nga Rusia ndaj bizneseve dhe infrastrukturës amerikane. Një sulm i ri kibenetik i lidhur me grupin REvil me qendër në Rusi, shkaktoi probleme të mëdha fundjavën e kaluar, duke prekur 1,500 biznese.
Hakerët arritën gjithashtu t’i zhvasin një shumë prej 11 milionë dollarësh kompanisë JBS SA, përpunuesit më të madh të mishit në botë.
VAZHDO TË LEXOSH MË TEPËR PËR TEMËN
“Diktatura e fundit në Evropë” nuk mund të lihet më në hije!
“Vdekja është mënyra e vetme për të hequr qafe një tiran”
