Reagon edhe presidenti i FSHF-së, Armand Duka, në lidhje me situatën e paprecedentë të krijuar së fundmi nga tifozët fashistë të Lasios, të cilët kërcënuan kapitenin e Kombëtares shqiptare, Elseid Hysaj, për këngën “Bella Ciao” të kënduar gjatë prezantimit.
Kreu i organit më të lartë të futbollit në vend, i ka shprehur mbështetjen maksimale futbollistit shqiptar, teksa është i bindur se vlerat e Hysajt do të triumfojnë përballë dhunës verbale e idiologjike.
POSTIMI I DUKËS
“I dashur Elsi! Ti je dhe do të mbetesh jo vetëm një futbollist i mrekullueshëm, por edhe një personalitet i botës së futbollit. Fakti që ke kënduar një këngë, as e cënon e as i jep të drejtë askujt që të vër në dyshim personalitetin tënd.
Jam koshient se vlerat e tua do të triumfojnë përballë dhunës verbale e idiologjike, që nuk kanë asnjë lidhje me futbollin dhe vlerat e këtij sporti magjik. Vazhdo puno e stërvitu, jep më të mirën tënde siç ke bërë gjithmonë. Ne të gjithë të duam e të mbështesim!”
VAZHDO TË LEXOSH MË TEPËR PËR TEMËN
Lazio dënon banderolën për Hysajn: Jemi me sportistin tonë
