Dhimbjet e kokës në mëngjes kanë tendencë të jenë shumë të zakonshme. Arsyet janë të shumta dhe mund të ndryshojnë ndjeshëm nga personi në person. Por disa shkaqe të mundshme që mund të “fshihen” prapa dhimbjes tuaj të mëngjesit mund të jetë pagjumësia apo kafeina.
Keni pagjumësi
Studimet tregojnë se dhimbjet e kokës në mëngjes lidhen zakonisht me çrregullime të gjumit, të tilla si pagjumësia. Nëse keni vështirësi të flini rregullisht dhe nuk ndiheni të relaksuar atëherë me siguri po përjetoni ndonjë çrregullim.
Simptoma e tërheqjes së kafeinës
Dhimbja e kokës në mëngjes mund të jetë një simptomë e “privimit” të kafeinës dhe zakonisht ndodh tek njerëzit që konsumojnë shumë filxhanë kafe gjatë ditës. Kafeina mund të ndikojë në rrjedhën e gjakut në tru dhe nëse nuk konsumoni aq filxhane sa zakonisht mund të shkaktojë efekte anësore neurologjike që janë të ngjashme me privimin e substancave të tjera.
Mund të përjetoni migrenë
Migrena mund të ndodhë në çdo kohë, por shumë njerëz përjetojnë migrenë natën vonë ose herët në mëngjes. Në fakt, sipas studimeve, migrena ndodh zakonisht në të njëjtën kohë gjatë ditës. Prandaj, është e mundur që dhimbja e kokës që përjetoni kur të zgjoheni të jetë në të vërtetë një migrenë.
