Shaip Kamerbi, deputeti shqiptar në parlamentin serb, thotë se rruga e Serbisë drejt Tiranës kalon përmes Kosovës. Ai komenton mini-shengenin dhe thotë se bashkëpunimi duhet të jetë prespektiva e popujve të Ballkanit.
“Rruga e Serbisë drejt Tiranës kalon përmes Kosovës. Bashkëpunimi duhet të jetë perspektiva e popujve të Ballkanit, prandaj edhe çdo iniciativë për ndërtimin e mekanizmave bashkëpunues duhet përkrahur në parim, deri sa iniciativat e këtilla nuk pretendojnë të imponohen si alternativa të perspektivës evropiane të rajonit e cila është e vetmja garancë stabiliteti afatgjatë të gjithë Ballkanit Perëndimorë.
Veç tjerash presidenti serb duhet ta dijë se rruga Serbisë drejt Tiranës kalon përmes Kosovës, prandaj edhe pa marrveshje të Serbisë me Kosovën cila do iniciativë paraqitet e mangët në ndërtimin e paqes afatgjate në këtë pjesë të Ballkanit”, shkruan Kamberi.
Dje tre liderët e vendeve të rajonit, Rama, Zaev dhe Vuçiç, u takuan në Shkup. Në takim nuk mori pjesë kryeministri i Kosovës Albin Kurti, i cili në një reagim për mediat tha se mini-shengeni ishte një nismë opa vizion.
