Vjen goditja e madhe e merkatos së verës, një rekord më vete në Premier League. Manchester City ka përforcuar radhët e tij me një emër që pritet të ndihmojë skuadrën e Guardiolës të bëjë hapin e radhës drejt dominimit absolut në Angli e Evropë.
Talenti anglez Jack Grealish ka firmosur duke u bërë pjesë e kampionëve në fuqi të Premier League. Ai është zyrtarizuar sot, pasi ka kaluar vizitat mjekësore dhe Aston Vila pranoi të largonte lojtarin për 100 milionë paund për kartonin e tij, duke vendosur një rekord të ri për futbollin britanik.
Ky është transferimi më i shtrenjtë i realizuar në këtë kampionat. Grealish ka firmosur një kontratë 6-vjeçare me qytetarët, ndërsa atje do të mbajë fanellën me numrin 10, e cila ishte lënë bosh nga Kun Aguero.
HE’S HERE!
We are delighted to announce the signing of @JackGrealish on a six-year deal.
Welcome to City, Jack! 💙
🔷 #ManCity | https://t.co/axa0klD5re pic.twitter.com/5Y3gMREmKL
— Manchester City (@ManCity) August 5, 2021
Një shenjë që duket se Lionel Messi nuk do të shkojë te Manchester City, qëoftë për nga shpenzimet e tepërta të Cityt, qoftë edhe për faktin se numri 10 është uzurpuar tashmë. Merkatoja është në lumin e vet.
VAZHDO TË LEXOSH MË TEPËR PËR TEMËN
Zyrtare, Lionel Messi ndahet me Barcelonën
