Një nga reperët më të dashur shqiptarë 2PO2 prej kohësh i mungon skenës shqiptare. Prej gati 2 vitesh ai është shkëputur nga muzika pa dhënë arsye për këtë vendim. Mirëpo, më në fund Besniku po rikthehet dhe shkak është bërë deridiku Arilena Ara. Ajo e ka ftuar atë në një bashkëpunim për albumin që po sjell, “Pop art”.
Ditën e sotme Arilena ka publikuar një postimi në Instagram, duke paralajmëruar këngën e re teksa ka shkruar: “Mirë se u riktheve djali i keq!” Ajo nuk ka ndarë detaje se kur do publikohet projekti i tyre por mezi po presim. Edhe Besniku ka postuar po ashtu dy foto në llogarinë e tij me mbishkrimin “Beast mode on”, teksa ndjekësit e tij janë shprehur shumë entuziastë.
“Pop Art” është albumi i parë i Arilenës. Ajo ka bashkëpunuar me emra shumë të dashur të muzikës shqiptare e jo vetëm si Dafina Zeqiri, Gjon’s Tears, Noizy. Deri tani artistja ka lançuar projektet me Dafinën e Noizyn që janë pritur shumë mirë nga publiku.
