23.09.2021 - 09:38
Pesë kompani janë në garë për projektin e Portit të ri industrial të Durrësit, nga 16 që morën pjesë.
Ministrja e Infrastukturës, Belinda Balluku thotë se gara ka qenë model, ndërsa projekti i detajuar do të shfaqet i plotë 6 muaj pas firmosjes së kontratës me kompaninë fituese.
“Një garë ndërkombëtare model “Porti i Ri i Durrësit”
5 kompani ndërkombëtare të përzgjedhura nga 14 që morën pjesë në garë. Kompani ekselence me eksperiencë ndërkombëtare në fushën portuale dhe më gjerë në infrastrukturë. Projekti i detajuar nga kompania fituese dorëzohet 6 muaj pas firmosjes së kontratës, për t’i hapur rrugën garës së re ndërkombëtare për ndërtimin e portit”, shprehet ministrja Balluku.
