Gjashtë ndeshje, pesë fitore dhe vetëm një barazim në La Liga. Real Madrid thuajse është perfekt në këtë nisje të sezonit, teksa fitoi edhe sonte 6-1 ndaj Mallorca në “Santiago Bernabeu”.
Ndeshja nisi me gol. Benzema që në minutën e tretë gjeti rrugën e rrjetës. Në minutën e 24-t, Asensio dyfishon shifrat. Por vetëm një minutë më pas miqtë ngushtojnë në 2-1.
Megjithatë, Asensio rikthen avanatazhin e dy golave në 29’ dhe pjesa e parë mbyllet 3-1. Në fillimin e pjesës së dytë Benzema i anulohet një gol për faull. Francezi shërben mirë në 55’ për Asension, që kompleton tripletën e tij.
Në 78’ është vetë Benzema që shënon sërish, duke cuar shifrat në 5-1. Goli i tetë i sulmuesit francez në 6 ndeshje, asnjë si ai në 5 ligat kryesore evropiane. Në 84’ ka vend edhe për një gol të Iscos. Real kryeson bindshëm. Ndërkohë, Villarreal gjeti fitoren e parë pas 4 barazimeve radhazi, duke mundur 3-1 Elche.
VAZHDO TË LEXOSH MË TEPËR PËR TEMËN
Mungon Messi, PSG fiton sërish në frymën e fundit
Milan kalon me sukses Venezian dhe ngjitet i dyti
