MENU
klinika

Nuk është i lumtur në Paris

Donnarummas i hapet rruga për te Juventus

24.09.2021 - 11:25

Fitoi Evropianin dhe u shpall më i miri i turneut, por kalimi te PSG nuk duket lëvizja e duhur. Gigio Donnarumma nuk është i lumtur në Paris. Nga ana tjetër, ekziston Juventusi që e filloi kampionatin shumë keq, edhe për shkak të disa gabimeve të bëra nga portieri i tij.

Është e lehtë të mendohet për një sulm të Juventusit ndaj ish-portierit të Milanit, falë Mino Raiola së zakonshëm. “Corriere della Sera” dhe “Gazzetta dello Sport” e përmendin sot këtë skenar.

Edhe pse kohët e fundit është përpjekur t’i alternojë pak më shumë portierët, Pochettino e konsideron Navas titullar. Natyrisht, për ata që konsiderohen portierët më të mirë në botë, gjërat nuk mund të shkojnë si duhet në stol.

Prandaj, një seri pakënaqësish mund të çojnë në skenarë të bujshëm. Mino Raiola është i befasuar nga kthesa e ngjarjeve në Paris dhe është gati, nëse hierarkitë e portës së PSG nuk ndryshojnë, të kërkojë strehim të ri për klientin e tij. Juventusi është i interesuari numër një për Gigio.

Pak nga pak, Szczesny po del nga momenti i komplikuar i fillimit të sezonit, por është e qartë se bardhezinjtë kërkojnë një portier të nivelit të lartë, i cili mund të garantojë një performancë të vazhdueshme për të paktën një dekadë.

E kaluara, nga ana tjetër, është atje për ta vërtetuar këtë: Zoff luajti titullar nga viti 1972 deri më 1983, Buffon për gati 20 vite, duke përjashtuar sezonin e vetëm te PSG dhe dy të fundit si rezervë. Pa dyshim që klubi i madh torinez po mendon për Donnarumma, që të nisë një cikël tjetër suksesesh me portën.

VAZHDO TË LEXOSH MË TEPËR PËR TEMËN