MENU
klinika

"Pavarësisht sa i fortë je apo cilës partie i përket…"

Hetimet e SPAK/ Ambasadorja e SHBA bën lëvizjen e radhës, takon Arben Krajën

08.09.2021 - 15:31

Ambasadorja e SHBA-ve në vendin tonë Yuri Kim thotë se SPAK do të hetojë penalisht korrupsionin dhe krimin e organizuar. Pas një takimi që diplomatja amerikane pati me kreun e SPAK, Arben Kraja, thotë se do të ketë ndjekje penale pavarësisht sa i pasur, i fuqishëm apo cilës parti mund të jetë një individ apo subjekt.


“Takova kreun e SPAK, Arben Kraja për të theksuar pritshmëritë e SHBA që SPAK-u shqiptar do të ndjekë penalisht korrupsionin dhe krimin e organizuar – pavarësisht sa të fuqishëm apo të pasur, pavarësisht me cilën parti. Me më shumë prokurorë dhe hetues të rinj në BKH, SPAK po sjell më shumë rezultate çdo ditë”, shkruan ambasadorja amerikane.

Më tej, Kim bën një bilanc me shifra: “Prej fillimit të 2021, SPAK ka hapur 264 çështje të reja (218 për korrupsion dhe 46 për krim të organizuar). 127 persona janë dënuar. Vendimet përfundimtare të gjykatave kanë konfirmuar konfiskimin e më shumë se 70 milion eurove, të cilat i kanë kaluar shtetit shqiptar. Hap pas hapi…“, mbyllet postimi i ambasadores amerikane.

VAZHDO TË LEXOSH MË TEPËR PËR TEMËN


Yuri Kim: Ata që s’e duan Reformën në Drejtësi po përpiqen të…

“Nuk heq dorë kollaj”- Paralajmërimi i ambasadores amerikane