Në raportin e fundit të “Fraser Institute” mbi indeksin e lirisë ekonomike në botë për vitin 2019, Shqipëria renditet e 31-ta midis 165 vendeve duke lënë pas vendet e rajonit, por edhe vende të zhvilluara në Europë si Suedia, Norvegjia, Portugalia.
Ndonëse renditur midis vendeve me të lira ekonomikisht, Shqipëria ka humbur 5 vende nga raporti i vitit të shkuar, kur renditej e 26-ta, pra për vitin 2018.
Sipas raportit, liria ekonomike shpjegohet si koncept i bazuar në pronësinë vetjake. Ky indeks mat masën gjithëpërfshirëse të qëndrueshmërisë së institucioneve dhe politikat ekonomike të një vendi bazuar në pesë fusha kryesore. Shpenzimet e Qeverisë dhe Normat e taksave, Sistemi Juridik dhe të Drejtat Pronësore, Qëndrueshmëria e monedhës vendase, Liri për Tregti Ndërkombëtare dhe Rregullatori i kredisë, punës dhe biznesit.
Raporti thekson se nuk i permban pasojat e pandemisë në analizën e bërë.
Tek kategoria mbi Qëndrueshmërinë e monedhës vendase, Shqipëria rendiet e dyta në 165 vende, rritje me 4 pozicione nga raporti i kaluar. Në vlerësimin mbi Sistemin Juridik dhe të Drejtat Pronësore, vendi jonë renditet e 75-a. Tek Shpenzimet e Qeverisë dhe Normat e taksave Shqipëria renditet në vend të 24-ët, ndërsa për “Lirinë për Tregtinë Ndërkombëtare” renditemi në vend të 44-t, përsëri duke lënë pas vendet e rajonit.
Kina vazhdon të kryesojë listën e vendeve më të lira ekonomike edhe për këtë vit, ndërsa vendet të cilat klasifikohen si vende jo të lira ekonomikisht janë Libia, Sudani dhe Venezuela.
VAZHDO TË LEXOSH MË TEPËR PËR TEMËN
Çfarë është “modeli norvegjez”, që po mendohet për Ballkanin?
