MENU
klinika

4.2 miliardë lekë më shumë nga tatimi mbi të ardhurat personale

Të dypunësuarit rrisin të ardhurat në buxhet

14.09.2021 - 13:33

Pavarësisht periudhës së pandemisë dhe vështirësive ekonomike me të cilat janë përballur bizneset dhe qytetarët, tatimi mbi të ardhurat personale për periudhën Janar-Gusht të këtij viti është mbledhur në nivelin 18.1 për qind më shumë në 8 mujorin 2020. Sipas të dhënave të Ministrisë së Financave, tatimi mbi të ardhurat personale është arkëtuar në vlerën 27.2 miliardë lekë, apo 4.2 miliardë lekë më shumë se 8 mujori 2020, si dhe 624 milionë ose 2.3% më shumë se plani 8 mujor i 2021.

Ndikim të rëndësishëm në këtë zë kanë pasur të ardhurat nga tatimi mbi deklaratën individuale vjetore të të ardhurave me rritje 100% krahasuar me 8-mujorin e vitit 2020. Ku gjatë këtij vitit, përpos detyrimit që kishin individët rezidente te cilët realizojne te ardhura vjetore bruto me burim brenda apo jashte Shqiperise në shumën 2 milionë lekë për të plotësuar Deklaratën Individuale të të Ardhurave Personale, pjesë e detyrimit për këtë tatim u bënë edhe individët e punesuar ne me shume se nje njesi ekonomike pavarësisht shumës vjetore te te ardhurave. Dhe duket se tatimi i mbledhur nga të dy punësuarit, ka rritur ndjshëm perfomancën.

Po ashtu, ndikim kanë dhënë edhe të ardhurat nga tatimi mbi dividentin dhe aksionet me rritje 53% krahasuar me 8-mujorin e vitit 2020. Nga ana tjetër gjatë këtij viti ka nisur të rigjallërohet edhe tregu i punës, ku vetëm në gjysmën e parë të vitit, 55 mijë qytetarë janë punësuar sërish, duke u futur në skemën e sigurimeve shoqërore, pas probleme dhe shkurtimeve masive gjatë viti 2020 për shkak të kufizime prej pandemisë COVID-19.

VAZHDO TË LEXOSH MË TEPËR PËR TEMËN


Performanca paraprake e të ardhurave dhe shpenzimeve

MF publikon raportin: 53.2 miliard lekë më shumë në buxhet