Analisti Preç Zogaj ka dhënë opinionin e tij në RTSH në lidhje me shpalljen në Lezhë nga Sali Berisha të 11 dhjetorit të këtij viti si data kur do të mbahet Kongresit të Jashtëzakonshëm të PD-së për shkarkimin e Lulzim Bashës.
“Me çfarë tagri? Cili është funksioni i tij?-tha Zogaj. “E dinë të gjithë se Berisha është ish kryetar i PD-së. Ish kryetari i PD-së nuk mund të shpallë datën e mbajtjes së një Kongresi të PD-së. As kryetari i zgjedhur me parimin një anëtar një votë që është Basha nuk mund të shpallë mbajtjen e Kongresit jashtë procedurave strikte të statutit të Partisë. Përndryshe partia do të katandisej në xhungël, në rrumpallë. Verifikimi në forumet legjitime të partisë i firmave të anëtarëve që kërkojnë thirrjen e një kongresi të jashtëzakonshëm është hapi i parë drejt mbajtjes së një Kongresi”.
“Duke injoruar këtë procedurë, vijoi Zogaj, Berisha përgenjështron përsëri vetveten dhe foltoren e tij. Ndërsa ka ngritur një furtunë me parullën e mbrojtjes së statutit të PD-së, e shpëfill dhe e shkel atë statut pa u menduar dy herë duke shpallur si nga maja e Olimpit një datë kongresi.
Berisha e di këtë, ai tradhton një nxitim, një garë me kohën, për tu zgjedhur sa më parë kryetar i PD-së me synimin që ta ketë partinë një parzmore përballë SHBA që e ka shpallur non grata”.
VAZHDO TË LEXOSH MË TEPËR PËR TEMËN
ANALIZA/ Me SHBA apo kundër, kjo është çështja!
Krisja e balancës historike PD-PS
