MENU
klinika

Protesta në SHBA për ligjin e abortit

Gratë dhe vajzat rrethojnë Gjykatën në Uashington

03.10.2021 - 17:51

Ligji i Texasit kundër abortit është pasuar me një valë masive protestash në të 50 shtetet amerikane ndërsa këtë të hënë Gjykata Supreme pritet të thotë fjalën e fundit.

Në Uashington mijëra vajza dhe gra rrethuan institucionin më të lartë të drejtësisë i cili gati 50 vjet më parë njohu të drejtën e grave për abort në vendimin historik “Roe kundër Wade”.

Tani gjykata me shumicë konservatore, duket e gatshme të shkojë në drejtim të kundërt. I ashtuquajturi Akti i Rrahjeve të Zemrës gjithashtu i jep çdo individi të drejtë të padisë mjekët që kryejnë një abort pas periudhës gjashtë javore. Mbështetësit thonë se qëllimi i tij është të mbrojë të palindurit.

Politikanët në disa shtete të tjera të dominuara nga republikanët po shqyrtojnë kufizime të ngjashme. Ndërkohë, aktgjykimi mund të ndryshojë vendimin historik në vitin 1973, i cili mbron të drejtën e një gruaje për abort deri në fillim të tremujorit të tretë apo 28 javë në një shtatzëni.