08.10.2021 - 09:17
Pas shpalljes së krizës energjetike dhe paralajmërimit se vendi ynë mund të përballet me rritje të çmimeve, kryeministri Edi Rama ditën e sotme pritet që të mbledhe qeverinë.
Gjatë kësaj mbledhje ashtu si dhe është njoftuar më herët pritet që të diskutohet në lidhje me këto çështje ku kryeministri do të publikojë dhe planin për mbrojtjen e qytetarëve dhe biznesit të vogël nga efekti që mund të ketë një rritje e pakontrolluar e çmimeve.
Mbledhja të fillojë në orën 09:00 dhe më pas Rama do të mbajë një konferencë për mediat.
Kujtojmë se disa di të më parë kryeministri paralajmëroi një rritje të çmimit të energjisë, ku tha se e gjithë bota po përballet me një krizë të tillë dhe se efektet po ndihen edhe te ne.
