18.10.2021 - 09:48
Ka ndërruar jetë te Spitali i Traumës në Tiranë çifti i bashkëshortëve, të cilët u përfshinë në një aksident të rëndë në Rrëshen, më 5 tetor të këtij viti.
Nuk kanë mundur t’iu mbijetojnë plagëve të rënda bashkëshortët nga Mirdita P. P. dhe L. P.
Ngjarja e rëndë ndodhi më 5 tetor, ku çifti i bashkëshortëve ishin pasagjerë në automjetin me drejtues shtetasin P.Gj., i cili u përplas nga një makinë tip “Audi”, që drejtohej nga shtetasi F. M.
Menjëherë pas përplasjes, bashkëshortët u nisën drejt ‘Traumës’ në gjendje të rëndë, prej ku sot mësohet se kanë ndërruar jetë.
