Nuk ka më durim, pas rezultateve të dobëta, vjen shkarkimi. Sheikët arabë të klubit të Newcastle e kanë nisur menjëherë me “dorë të hekurt”, teksa kanë larguar në mënyrë konsensuale nga detyra e trajnerit, Steve Bruce.
Fatale për trajnerin e njohur britanik janë rezultatet negative dhe renditja e skuadrës në vendin e parafundit në kuotën e 3 pikëve. Lajmin e largimit të Bruce nga pankina e ka bërë vetë klubi bardhezi me anë të një komunikate në sajtin e saj zyrtar.
Në të njëjtin komunikatë njoftohet se pasuesi i tij i përkohshëm do të jetë Graeme Jones, duke filluar që nga ndeshja e Premier League të së shtunës ndaj Crystal Palace në transfertë.
#NUFC can confirm that Steve Bruce has left his position as head coach by mutual consent.
The club would like to place on record its gratitude to Steve for his contribution and wishes him well for the future.
— Newcastle United FC (@NUFC) October 20, 2021
Nuk mungojnë kandidatët për pankinën e skuadrës së Newcastle, teksa shumë pranë është edhe Antonio Conte, i cili ndodhet pa ekip që pas largimit nga Interi në maj të këtij viti.