Në Olimp të Athinës, ku sot është zhvilluar ceremonia e ndezjes së Flakës Olimpike për Lojërat Olimpike Dimërore “Pekin 2022”, ka ndodhur një incident i rëndë.
Disa protestues kanë mësyrë dhe kanë shpalosur disa flamuj të Tibetit, duke bërë thirrje për bojkot të këtij eventi olimpik. Ceremonia, e zhvilluar pa spektatorë, si pasojë e pandemisë, nisi rreth orës 9 të mëngjesit dhe pishtari me flakën olimpike është ndezur nga rrezet e diellit që sot shkëlqente në Athinë.
I pranishëm edhe presidenti i Komitetit Olimpik Ndërkombëtar (IOC), Thomas Bach. Gjatë ceremonisë, manifestuesit kanë mundur të shpalosin flamurin tibetian si dhe disa parrulla si “Revolucion në Hong Kong”, “Lironi Tibetin”, “Bojkotoni Pekin 2022” etj.
🔥 | U drevnoj Olimpiji zapaljen je Olimpijski plamen za @Beijing2022 🤩 #beijing2022 #olympics pic.twitter.com/sbxVyleleQ
— Hrvatski olimpijski odbor (@hrv_olimp_odbor) October 18, 2021
Menjëherë ka ndërhyrë policia, që ka ndalur manifestuesit. Interesant fakti se mes manifestueseve ishte edhe një nga vajzat e ceremonisë, që ka lënë mënjanë ceremoninë dhe iu bashkua “të paftuarve”, duke mbajtur flamujt e protestuesve.