MENU
klinika

Ja sa do të paguajnë qytetarët

Rinovimi i patentave, Rama jep lajmin: Nga nëntori do ketë ulje tarifash!

15.10.2021 - 19:06

Tarifat për rinovimin e lejeve të drejtimit do të pësojnë ulje. Këtë e ka bërë të ditur kryeministri Edi Rama.

Përmes një postimi në rrjete sociale, kreu i qeverisë tha se duke filluar nga nëntori, aplpikantët për rinovimin e lejeve të drejtimit do ta marrin atë me çmim më të lirë.

Nga 3500 lekë (35 mijë lekë të vjetra) do të bëhet 2000 lekë (20 mijë lekë të vjetra).

Postimi i Edi Ramës:

LAJM I MIRË nga DPSHTRR. Rreth 30 mijë aplikantë në vit rinovojnë lejedrejtimin ( me kufizim afati vlefshmërie nga mosha apo specifikat shëndetësore, në vetëm 2, 3 ose 5 vjet afat. Nga Nëntori 2021 këta aplikantë do të përfitojnë ulje drastike të tarifës nga 3,500 Lekë në 2,000 Lekë.
Pra të gjitha rinovimet e lejedrejtimeve të klasit B, me afat të kufizuar 3 ose 5 vjeçar, si edhe ato me kufizim për shkaqe shëndetësore do të kushtojnë -43%
Krahas modernizimit, enti ka mision të diversifikojë mes risive e inovacionit që të kompensojë rregullimin e atyre tarifave që ndihmojnë shtresa më vulnerabël por edhe më të ekspozuara në pagesa
#VëmendjaTeQytetarët #RisiLehtësi
#SkaKohëPërPushim”, -shkruan Rama.