MENU
klinika

Në pranga 2 persona dhe në hetim 7 të tjerë

Vjedhja e energjisë elektrike, operacione në tre qytete

14.10.2021 - 15:48

Policia e shtetit ka zhvilluar operacione së fundmi për të dyshuarit se vjedhin energjinë elektrike. Si rezultat i kontrolleve të përbashkëta me OSHEE-në janë evidentuar 9 raste të vjedhjes së energjisë elektrike në Tiranë, Lezhë dhe Shkodër.

2 persona janë vënë në pranga, 1 në Tiranë dhe 1 në Lezhë, ndërsa janë në hetim 7 të tjerë në Shkodër.   Gjithashtu, procedohet dhe një faturist i OSHEE-së, për shpërdorim detyre.

“Nga specialistët për Hetimin e Krimit në Komisariatin e Policisë Nr. 5 është bërë arrestimi në flagrancë i shtetasit  S. K., banues në Bathore, pasi kishte ndërhyrë në matësin elektrik të marketit të tij, me qëllim për të vjedhur energjinë elektrike.

Specialistët për Hetimin e Krimeve në Komisariatin e Policisë Lezhë kanë arrestuar në flagrancë shtetasin Ll. Sh., banues në Tale, Lezhë, pasi u konstatua se kishte bërë lidhje të paligjshme të energjisë elektrike në banesën e tij.

Nga specialistët për Hetimin e Krimeve në Komisariatin e Policisë Shkodër janë proceduar penalisht shtetasit: G. A., E. B., L. H., Gj. Sh., L. H., S. P. dhe M. P., pasi gjatë kontrollit është konstatuar se kishin bërë ndërhyrje në matësin elektrik në banesat e tyre.

Gjithashtu, nga specialistët për Hetimin e Krimeve në Komisariatin e Policisë Kurbin u procedua penalisht për veprën penale “Shpërdorimi i detyrës”, shtetasi Xh. N., banues në Milot, Kurbin, më detyrë elektricist/faturist pranë OSHEE-së, pasi nuk ka kryer kontrolle periodike për lidhjet e energjisë elektrike, në zonën që mbulon. Strukturat e Policisë do të vijojnë kontrollet në të gjithë vendin, për të parandaluar, evidentuar dhe goditur paligjshmërinë në cilëndo fushë që ajo shfaqet”, thuhet në njoftimin e policisë, e cila në fund apelon të gjithë qytetarët që të denoncojnë në numrin 112 dhe në Komisariatin Dixhital, çdo rast të paligjshmërisë.

Aksidenti ku u përfshi makina e eskortës së Berishës

Policia e Lezhës sqaron çfarë ndodhi me drejtuesin e Benz-it

Arrestohet 21-vjeçarja, ende në kërkim bashkëjetuesi i saj

Zhvatnin shtetas të huaj përmes ‘Call Center-it’

Shkodër/ Fabrika u mbyll në mënyrë misterioze

Punëtoret kërkojnë pagat e tre muajve

Qarqet me rënie gjatë 9-mujorit, edhe Tirana

INSTAT: Covid-19 përkeqëson lindshmërinë

Policia orienton drejtuesit e mjeteve

Çfarë ka ndodhur në superstradën Lezhë-Milot?