Kryeministri i Kosovës Albin Kurti, gjatë mbledhjes së përbashkët të qeverive Kosovë-Shqipëri, prezantoi marrëveshjen e arritur për lehtësimin e procedurave doganore mes dy vendeve.
Në fjalën e tij Kurti deklaroi se kjo marrëveshje parasheh ngritjen e pikave doganore të Republikës së Kosovës në portin e Durrësit dhe në Porto Romano.
Sipas tij kjo marrëveshje ka si qëllim thjeshtësimin e procedurave doganore dhe lehtësimin e kohës së pritjes në kufi.
“Unë tashmë po prezantoj marrëveshjen për zbatimin e lehtësirave të ndërsjellta në procedurat doganore ose kontrollin për hyrje daljen e mallrave.
Qëllimi i kësaj marrëveshjeje është zbatimi i lehtësirave, thjeshtimi i kryerjes së procedurave doganore dhe zvogëlimi i kohës së pritjes së qytetarëve në kufij.
Kjo marrëveshje parasheh vendosjen zyrës doganore të Republikës së Kosovës në zonën doganore të portit të Durrësit dhe në Porto Romano dhe thellimin e bashkëpunimit mes dy vendeve në procedurat doganore dhe kontrollit në hyrje dalje të mallrave”, tha Kurti.
VAZHDO TË LEXOSH MË TEPËR PËR TEMËN
