Në fshatin Mborje në Korçë është gjetur një automjet i djegur tip “Benz”. Nga hetimet paraprake dyshohet për zjarrvënie të qëllimshme.
‘BalkanWeb’ mëson se mjeti i djegur është në pronësi të shtetasit Arjel Cene.
Automjeti ka qenë i parkuar në rrugë pranë banesës së tij, ndërsa si pasojë e flakëve është djegur plotësisht.
Ndërkohë mësohet se Arjel Cene ka deklaruar në polici se nuk ka pasur asnjë konflikt, ndërsa policia po punon për identifikimin e autorëve.
Korçë/Informacion paraprak
Më datë 18.11.2021, rreth orës 02:30, në fshatin Mborje, Korçë, ka rënë zjarr në mjetin tip “Benz”, në pronësi të shtetasit A. C., i cili ka qenë i parkuar në rrugë, pranë banesës së tij.
Mjeti është djegur plotësisht dhe ka vetëm dëme materiale. Nga hetimet paraprake dyshohet për zjarrvënie të qëllimshme.
Grupi hetimor po punon për sqarimin e plotë të rrethanave të ngjarjes.
