Pothuajse 2 milionë punëtorë në ekonominë më të madhe të Europës do të përfitojnë nga një rritje e madhe pagash. Tre parti politike gjermane ranë dakord të formojnë një qeveri të re të mërkurën, me socialdemokratin e majtë Olaf Scholz të vendosur të pasojë Angela Merkelin si kancelar pas negociatave të gjata të koalicionit.
Si pjesë e marrëveshjes së koalicionit, vendi planifikon të rrisë pagën e tij minimale në 12 euro në orë, nga norma aktuale prej 9,60 euro. Ky veprim mund të rrisë të ardhurat e gati 2 milionë njerëzve në Gjermani që fitojnë paga minimale, ose rreth 5% të punëtorëve.
Paga minimale ishte vendosur tashmë të rritej në 10,45 euro në korrik 2022. Në tekstin e marrëveshjes së koalicionit nuk specifikohej se kur do të hyjë në fuqi masa për rritjen e pagës.
Banka Qendrore e Gjermanisë ndërmori hapin e pazakontë duke kritikuar publikisht masën këtë javë, duke e quajtur atë “shqetësuese”. Ai tha se do të kishte një efekt negativ në pagat për ata që fitojnë më shumë.
Ekonomistët dhe politikëbërësit në mbarë botën kanë vëzhguar nga afër rritjen e pagave si një komponent kyç i inflacionit. Në Gjermani, inflacioni në tetor qëndroi në 4.5%, matja më e lartë në pothuajse tre dekada, pasi çmimet e energjisë u rritën dhe kostoja e ushqimit u rrit.
Gjermania prezantoi për herë të parë një pagë minimale kombëtare prej 8,50 euro në 2015.
Mbështetja për pagat minimale në Europë është rritur ndërsa fuqia e sindikatave ka rënë. Komisioni Europian thotë se ka pasur një rënie në përqindjen e punëtorëve të BE-së të mbuluar nga marrëveshjet e negociatave kolektive ndërmjet viteve 2000 dhe 2015, me rënie veçanërisht të forta në Evropën Qendrore dhe Lindore.
Një projektligj i ri i BE-së i shpallur në fillim të këtij muaji synon të forcojë pagat minimale në të gjithë bllokun me kërkesa të reja.
Paga minimale e Gjermanisë tashmë është ndër më të lartat në Bashkimin Europian. CNN
VAZHDO TË LEXOSH MË TEPËR PËR TEMËN
A do të kemi trazira sociale pas pandemisë?
A i ka ardhur fundi punës në zyrë?
