Prej vitesh tanimë, Loredanën e kemi parë vetëm si repere, duke mos eksperimentuar shumë në muzikë. Megjithatë, projekti i ri e solli atë më ndryshe se asnjëherë tjetër. Së fundmi është mbajtur koncerti i “Red Bull Symphony”, një organizim, ku duket se “bashkoheshin dy botë muzikore”, një orkestër simfonike me ritmet hip-hop.
Nata ishte e gjatë dhe e mbushur me emocione për Loredanën, kjo edhe falë vajzës së saj dhe Mozzik, Hanës. Teksa Loredana po performonte, e vogla Hana iu bashkua në skenë duke i dhuruar një përqafim të ngrohtë të ëmës. Ajo shkriu zemrat e publikut duke kërcyer e duke përshendetur me duar të pranishmit.
Këto pamje u bënë virale dhe thuajse të gjithë të pranishmit shpërndanë këtë moment. Edhe vetë Loredana postoi foto e video nga koncerti dhe momenti i veçantë, krahas të cilit shkroi: “Faleminderit! Po qaj! Faleminderit Hana!”.
Aktualisht, reperja po shijon suksesin e duetit me Don Xhonin që është pritur shumë mire dhe është “hiti i momentit” në TikTok.
