Një fund jo i lumtur pas 15 vitesh, por futbolli në disa momente është i pamëshirshëm dhe të dënon edhe fati. Pas humbjes në Bolivi 3-0, Oscar Tabarez nuk është më trajneri i kombëtares së Uruguajit. Lajmin e bën të ditur federata në rrjetet sociale.
74 vjeçari drejtoi ‘La Celesten’ për 15 vite dhe pati suksese të mëdha, ku spikat fitorja e Kupës së Amerikës në vitin 2011 apo dalja në gjysmëfinale në 2010. Tabarez ka drejtuar gjithashtu dhe Cagliarin dhe Milanin në vitet ‘90.
Në 5 ndeshjet e fundit kualifikuese për Botërorin, Uruguaji mori një barazim dhe pësoi 4 humbje rresht. Si pasojë e rezultateve negative, Federata vendosi që të shkëpuste marrëdhënien me trajnerin dhe stafin e tij.
📣 Comunicado de la AUF – 19/11/2021 pic.twitter.com/OSVXn2qpG4
— Selección Uruguaya (@Uruguay) November 19, 2021
“Ne e falenderojmë dhe e vlerësojmë kontributin e Tabarez përgjatë 15 viteve të fundit. Ai na ndihmoi që të arrinim rezultate të rëndësishme duke e bërë Uruguajin një prej kombëtareve më të forta në botë”, – thuhet në komunikatë.