MENU
klinika

Nga Russian Today

Rusisë i mbaron nafta “e lehtë”

28.11.2021 - 13:18

Pothuajse i gjithë prodhimi i naftës i Rusisë do të përbëhet nga të ashtuquajturat rezerva të papërpunuara të vështira për t’u rikuperuar nëse vendi nuk shpejton dhe nxit eksplorimin, tha të mërkurën zëvendësministri rus i Energjisë, Pavel Sorokin.

“Pothuajse 100% e prodhimit tonë do të jetë e vështirë të rikuperohet gjatë afatit dhjetëvjeçar,” tha Sorokin, cituar nga agjencia e lajmeve TASS.

Rezervat e vështirë për t’u rikuperuar do të kenë kosto shumë më të larta të ngritjes se rezervat konvencionale, sipas zëvendësministrit të Energjisë.

Ky është një problem për Rusinë, një nga prodhuesit më të mëdhenj të naftës në botë, pasi ajo do të shihte rënien e cilësisë së rezervave të saj dhe do ta bënte nxjerrjen e naftës shumë më të shtrenjtë se sa është tani.

Rusia duhet të stimulojë kërkimin në mënyrë që të zëvendësojë rezervat e vështira për t’u rikuperuar me zbulime të reja, potencialisht me kosto më të ulët.

Në maj të këtij viti, ministri rus i Burimeve Natyrore Alexander Kozlov tha se rezervat e naftës do të zgjasin deri në vitin 2080 me ritmin aktual të prodhimit vjetor. Rezervat aktuale të naftës dhe gazit të Rusisë mund të rriten edhe nëse rrit kërkimet në zona të vështira për t’u shpuar, shtoi ministri, duke vënë në dukje se Rusia duhet të zhvillojë kërkime, duke përfshirë zonat e vështira për t’u arritur.

Zbulimet e naftës dhe gazit të Rusisë ranë në nivelin më të ulët në pesë vjet në gjysmën e parë të 2021, pasi kriza e vitit të kaluar rezultoi në shkurtime të mëdha në shpenzimet kapitale për kërkimin, kompania e të dhënave dhe analitikës GlobalData tha në fillim të këtij muaji.

Në gjysmën e parë të këtij viti, kompanitë ruse gjetën naftë dhe gaz në gjashtë fusha shumë të vogla, duke shtuar vetëm 36 milionë fuçi rezervave, që është ekuivalente me më pak se katër ditë prodhim ditor të naftës ruse, sipas vlerësimeve të GlobalData.

Ndërsa prodhimi dhe të ardhurat ruse të naftës kanë përfituar këtë vit nga çmimet shumë më të larta të naftës për shkak të shkurtimeve të OPEC+ dhe rikthimit të kërkesës globale, kërkimi ka vazhduar të vuajë nga kriza e shkaktuar nga kovid në vitin 2020, e cila i detyroi kompanitë të ulin kapitalin për shpimet kërkimore, tha Anna Belova, Analiste e Naftës dhe Gazit në GlobalData.

“Për të ruajtur vendin e saj si një nga vendet më të mëdha prodhuese të naftës dhe gazit, Rusia duhet të sigurojë një ritëm të qëndrueshëm zbulimesh për të zëvendësuar rezervat e prodhuara. Përndryshe, efektet e Covid-19 dhe investimet e reduktuara do të ndjehen nga sektori rus i naftës dhe gazit edhe pasi të ulet pandemia”, tha Belova, duke komentuar gjetjet e GlobalData.

*Tsvetana Paraskova për Oilprice.com

/Përkthyer dhe përshtatur për Konica.al nga RT

VAZHDO TË LEXOSH MË TEPËR PËR TEMËN


The Economist: Do të rriten, por si, kur dhe sa?

Çfarë do të ndodhë me çmimet e mallrave?

Nga Russian Today/ Çfarë përgjigje japin analistët e Bankës së Amerikës?

A mund të arrijë nafta në 100 dollarë për fuçi?

Efekti flutur i COVID-19 dhe pritja për pikun

“Korona është si tërmet, shkundje që do ta ribëjë botën”!


Thirrja e FMN: Ka rreziqe të mëdha...

“El Salvadorit të ndalojë përdorimin e Bitcoin”

“Do mbështesim sistemin bujqësor me kredi bankare”

Sejko: Qeveria të shtojë vëmendjen tek bujqësia

The Economis/ "Një bandë politikanësh po e vështirëson punën"

Afrika e Jugut, vendi i qymyrit në botë, do të heqë dorë?