“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë i ndodh trurit kur jemi të stresuar?
Mjeku: Stresi i vazhdueshëm ka një efekt të madh në shëndetin fizik dhe mendor. Po cili është efekti i tij tek truri? Studimet mjekësore të Universitetit të Harvard-it, kanë një përgjigje që do ta lexoni më poshtë. Stresi, veçanërisht nëse është i vazhdueshëm, le shumë gjurmë në mendjen dhe trupin tonë.
Ai na bën të ndihemi të acaruar dhe vazhdimisht të lodhur, dhe ndikon në aftësinë tonë për t’u përqëndruar në aktivitetet e ditës. Stresi kronik mund të ndikojë edhe në pagjumësi, në humbje të oreksit dhe energjisë. Por gjithashtu ai ndikon edhe në përkeqësim të shëndetit tuaj. Këtu përfshihen diabeti, sëmundjet e zemrës dhe probleme me stomakun. Një studim i fundit i Medical News Today, zbuloi se edhe nivele sado të ulta të stresit rrisin rrezikun për sëmundje të ndryshme kronike.
Hormoni i stresit ndikon negativisht në memorje
Studiuesit analizuan pesona të moshës rredh 40-49 vjeç pa shenja të dementias, apo humbjes së memories. Ata i bënë një test psikologjik pjesëmarrësve. Ata studiuan aftësitë e memories dhe të të menduarit te këta pjesëmarrës. Ky test iu bë përsëri këtyre personave pas 8 vjetësh. Në analizën e gjakut mjekët panë nivelet e kortizolit, hormonit përgjegjës të stresit. Studjuesit zbuluan se personat me nivel të lartë të kortizolit në gjak kishin një kujtesë me të dobët se personat me nivel të ulët ose normal të tij.
Është e rëndësishme të gjeni mënyra për reduktimin e stresit
Studiuesit zbuluan se personat me nivel të lartë të kortizolit kishin një masë më të vogël volumi të trurit. Studiuesit theksuan se është shumë e rëndësishme të gjeni mënyra për të reduktuar stresin. Të flini në orare të rregullta, të kryeni aktivitet fizik sado të vogël, të merrni kohë për veten dhe të qetësoheni. Nëse vëreni shqetësime duhet të kryeni analiza për matjen e kortizolit. Po ashtu të merrni mjekimet e duhura për uljen e nivelit të tij, nëse është e nevojshme.
Stresi në jetën e përditshme është një ndjesi sikur jeni gjithmonë të mbingarkuar dhe bëni shumë përpjekje për t’ia dalë mbanë të gjithave. Puna, paratë, marrëdhëniet ose situata të ndryshme, dhe gjithçka që ka të bëjë me sfidat e jetës shkakton stres. Një Stresi i vazhdueshëm shkakton shumë probleme për shëndetin mendor por edhe për organizmin tuaj. Puna dhe paratë konsiderohen si burim kryesor i stresit.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
