MENU
klinika

Amerikanët nisin lëvizjet para Kuvendit të Berishës

DASH sjell Escobarin në Tiranë më 9 dhjetor, takim me Ramën e Bashën

05.12.2021 - 20:29

Shtetet e Bashkuara të Amerikës vihen në lëvizje pak orë përpara mbledhjes së kuvendit të thirrur nga i shpalluri ‘non grada’ i SHBA-ve, Sali Berisha.

Burime kanë konfirmuar se të enjten e datës 9 Dhjetor i dërguari i Shteteve të Bashkuara të Amerikës për Ballkanin Perëndimor, Gabriel Escobar do të vizitojë Tiranën. Në agjendën e zyrtarit të lartë amerikan është parashikuar takim me kreun e qeverisë Rama por edhe me kryedemokratin Lulzim Basha, i cili gjithashtu ka thirrur kuvendin e tij me 18 Dhjetor.

Escobar në një reagim pak javë më parë i mëshoi faktit se korrupsioni në vendet e Ballkanit perëndimor do të vijojë të ketë sanksione nga SHBA. Që prej marrjes së këtij posti, Escobar si një njohës i mirë i realitetit në Ballkan, zhvilloi vizitat e tij të para në Bosnjë Hercegovinë dhe në Mal të Zi.