MENU
klinika

Serie A, Java 16

Fitore e çmendur e Atalantës, futet në garë për titull

04.12.2021 - 23:45

Pesë fitore radhazi në Serie A, e fundit 3-2 në fushën e Napoli-t dhe Atalanta është futur zyrtarisht në luftën për titull. Duket se Napoli ka paguar për shkak të mungesave të shumta që ka patur në ndeshjen e sotme, veçanërisht ajo e Koulibaly është ndier më shumë. Gjërat mund të kishin shkuar ndryshe me senegalezin në fushë.

Ndeshja e luajtur në stadiumin Maradona është zhbllokuar pas vetëm 7 minutash, me Malinovsky që ka kaluar në avantazh miqtë. Zielinski në fundin e pjesës së parë dhe Mertens në fillimin e së dytës kanë përmbysur rezultatin.

Bergamaskët janë kundërpërgjigjur duke përmbysur gjithçka në harkun e pesë minutave. Demiral ka barazuar shifrat në minutën e 66-të dhe Freuler ka realizuar golin e tretë në të 71-ën. Atalanta mbetet në vendin e katërt me 34 pikë, vetëm dy larg Napoli-t, që tani është parakaluar nga Milan dhe Inter.

VAZHDO TË LEXOSH MË TEPËR PËR TEMËN