MENU
klinika

Shkatërrohet grupi me 173 persona

Pas policisë, në Greqi shpërthen skandali me mjekët

11.12.2021 - 12:08

Pas skandalit në policinë greke ku një numër i madh efektivësh u prangosën për shkak se akuzohen se “pastronin” kriminelët shqiptarë duke i pajisur me pasaporta, një tjetër skandal ka shpërthyer në Greqi.

Raportohet se një organizatë kriminale është zbërthyer së fundmi në sistemin shëndetësor. Bëhet fjalë për disa mjekë që jepnin receta të rreme në Greqi duke dëmtuar Organizatën Kombëtare të Shëndetësisë.

Raportohet se u arrestuan 13 anëtarë të organizatës, mes të cilëve “truri” dhe drejtuesit e kompanisë farmaceutike, të cilët nxirrnin fitime të mëdha nga shitja e paligjshme e preparateve të saj. Dosja përfshin gjithashtu 173 persona , duke përfshirë 49 mjekë publikë, 64 mjekë privatë, farmacistë dhe pacientë.

Operacioni u shtri, në Atikë, Selanik, Janinë, Imathia, Etoloakarnani, Akai dhe Mesini .

Ndaj tyre është ngritur akuza për organizim kriminal, falsifikim, certifikata false mjekësore, ryshfet dhe ryshfet i punonjësit, vërtetim fals, falsifikim, mashtrim, ryshfet dhe korrupsion në sektorin privat dhe shkelje të ligjit për të dhënat personale.

Si funksiononte organizata kriminale?

Gjatë hetimit të çështjes rezultoi se grupi kishte krijuar një rrjet bashkëpunëtorësh mjekësh publikë e privatë dhe farmacistë, të cilët bënin receta të rreme të preparateve të kompanisë së tyre.

Në këtë mënyrë mjekët merrnin shuma përkatëse parash – përfitime të padrejta, ndërsa kompania fitoi nga shitja e preparateve të saj dhe farmacistët fituan nga shitja e recetave në farmacitë e tyre, mjekësorë.

Çfarë është konfiskuar nga policia

123.300 euro,

12 depozita,

54 pajisje elektronike portative (laptop, tablet, celular, usb) ,

5 thika,

Mijëra receta të përfunduara,

2,340 receta,

lista të mjekëve të asociuar,

393 Formularë Recetash Mujore për mjekët dhe axhenda me shënime të shkruara me dorë.

Greqia mban hapur mundësinë me Turqinë

Dialog? Dendias: Ndodh vetëm nëse Ankaraja ndal provokimet

Kërkon ndihmë nga Shqipëria!

Greqia nuk ka punëtorë sezonalë

“Mbante gati dorën në këmbëzën e pistoletës”

Si drejtonte shqiptari “Esko” grupet kriminale në Athinë