Shërbimi Spitalor Klinik Universitar i Kosovës (SHSKUK) ka bërë të ditur se aktualisht 13 nga 157 pacientët të cilët po marrin trajtim për COVID-19, janë gra shtatzëna.
Po ashtu, SHSKUK-ja ka bërë të ditur se 9 prej pacientëve që po trajtohen janë fëmijë, dhe ata po mjekohen në Klinikën e Pediatrisë.
Raporti sipas klinikave dhe spitaleve të përgjithshme:
Klinika Infektive, 78 pacientë
Mjekim Intensiv në Klinikë Infektive, 3 pacientë
Klinika e Pediatrisë, 9 pacientë
Klinika Obstetrike Gjinekologjike, 13 pacientë
Spitali i Gjakovës, 2 pacientë
Spitali i Pejës, 11 pacientë
Spitali i Prizrenit, 7 pacientë
Spitali i Mitrovicës, 15 pacientë
Spitali i Ferizajt, 9 pacientë
Spitali i Gjilanit, 14 pacientë
Numri i rasteve pozitive me COVID-19 në Kosovë ka shënuar rritje të vazhdueshme dita-ditës, që nga fillimi i janarit.
Vetëm gjatë 24 orëve të fundit, në tërë Kosovën janë regjistruar 3,917 raste pozitive, ndërkaq kanë vdekur 6 persona si pasojë e koronavirusit.
Numri i rasteve aktive me COVID-19 në nivel vendi është 28,751.
