Antonio Conte mund të largohet nga Tottenham, nëse klubi nuk merr ndonjë përforcim në merkaton e janarit. Italiani zëvendësoi Nuno Espirito Santo në fillim të sezonit, teksa ish-trajneri i Wolves u shkarkua pas një ecurie të dobët në klubin verior të Londrës.
“Spurs” kanë fituar 8 nga 14 ndeshjet e tyre, në të gjitha kompeticionet, nën drejtimin e Conte, me disa tifozë dhe ekspertë që tani këshillojnë Tottenham-in të synojë katërshen e parë të Premier League nën drejtimin e tij. Skuadra e Conte u eliminua nga “Carabao Cup” të mërkurën mbrëma, pëballë Chelsea, me rezultatin total 3-0.
Trajneri italian pranoi se ishte i prirur për të zgjidhur shumë probleme në tregun e transferimeve. Tani, “Daily Mail” pretendon se lojtarët e Tottenhamit janë frikësuar se Conte mund të largohet muajin e ardhshëm, nëse nuk përmbush dëshirat në merkaton e janarit.
Antonio Conte will be with us shortly. https://t.co/JigHmeqG5F
— Alasdair Gold (@AlasdairGold) January 14, 2022
Conte i ka identifikuar shpejt pozicionet që duhet të adresojë dhe presidenti i Tottenham, Daniel Levy, duhet të veprojë shpejt për të qetësuar Conte e irrituar nga situata.
