Novak Djokovic nuk do të penalizohet në Australian Open për vitin tjetër. I bindur për këtë është Craig Tiley, drejtori i këtij eventi. Ai sqaroi se tenisti serb, ende numri 1 në botë, nuk do të hedhë askënd në gjyq.
Gjithsesi, drejtori i turneut të Melbourne pranon se fjalën e fundit do ta thotë qeveria australiane, pasi Djokovic rrezikon 3 vite përjashtim nga ky shtet. Pra, organizatorët e Australian Open mirëpresin Djokovic, por fati i tij nuk varet nga drejtuesit e tenisit.
Ndërkohë, janë mësuar çerekfinalistët aktualë në Australian Open. Te meshkujt, pas avancimit një ditë më parë të Nadal, spikati fitorja e tenistit rus Daniil Medvedev, numri 2 në botë dhe favoriti kryesor. Ai mposhti 3-1 amerikanin Maxime Cressy, në një ndeshje me rivalitet.
A new chapter…
On her 63rd main draw appearance, @alizecornet is into her FIRST Grand Slam quarterfinal. The world No.61 upsets Simona Halep 6-4 3-6 6-4.#AusOpen · #AO2022 pic.twitter.com/PwlBeFTPDA
— #AusOpen (@AustralianOpen) January 24, 2022
Te femrat, surprizë eliminimi i tenistes rumune Simona Halep, ish-numri 1 në botë, që u mund 2-1 nga francezja Alize Cornet. Më herët në çerekfinale ishte kualifikuar numri një në botë, australiania Ashley Barty.