Autoritetet në Kosovë nuk lejuan referendumin

Serbët në veri të Mitrovicës po e shprehin pakënaqësinë e tyre për moslejimin e mbajtjes së referendumit edhe në Kosovë.

Një numër i tyre të prirë edhe nga kryetari i Listës Serbe Goran Rakiq, kanë nisur një protestë.

Ata po e improvizojnë votimin për referendumin.

Mbrëmë vonë, Komisioni i Zgjedhjeve atje ka marrë vendim që serbët e Kosovës të votojnë në katër qytete të Serbisë si: Kurshumlia, Rashkë, Novi Pazar dhe Vranjë, kjo pasi Kosova nuk lejoi mbajtjen e referendimit serb në Republikën e Kosovës.

Për këtë çështje Kuvendi i Kosovës miratoi rezolutë kundër mbajtjes së këtij referendumi. /Express