MENU
klinika

Përgjigjet mjeku

Çfarë është porexia? 

28.01.2022 - 14:37

“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.

Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.

Pacienti: Çfarë është porexia?

Mjeku: Çdo ditë shiheni në pasqyrë, shqetësoheni për përmasat e poreve në lëkurën tuaj? Mund të vuani nga Porexia, fiksimi për poret. Por çfarë është ajo.

Vete termi Porexia, i krijuar nga dermatologia australiane Natasha Cook, do të thotë një vëmendje e tepërt për përmasat dhe pamjen e poreve të lëkurës.

Një studim i L’Oreal Paris në 2014, dermatologia Cook tregon se 45% e femrave kanë rrëfyer se janë të fiksuara me poret e tyre, më shumë se sa për rrudhat.

Poret e zgjeruara
Çfarë janë poret e zgjeruara ekzatësisht? Bëhet fjalë për një zgjerim të poreve në pjesën sipërfaqësore të lëkurës, ku depozitohet sebumja, e krijuar nga gjendrat dhjamore të lëkurës sonë.

Të gjithë njerëzit, meshkuj e femra të të gjitha moshave, kanë pore në lëkurë. Megjithatë madhësia e poreve i bën ato më shumë ose më pak të dukshme.

Por pse zgjerohen? Ekspertët flasin për trashëgimi gjenetike. Disa persona kanë një lëkurë natyrale kompakte, ndërsa të tjerë i kanë më të dukshme poret e zgjeruara. Natyrisht dhe lloji i lëkurës, normal, i yndyrshëm apo i thatë ndikon në përmasat dhe pamjen e poreve të lëkurës së fytyrës.

Mbani poret të pastra
Një pastrim i mirë i lëkurës ndihmon në zvogëlimin e përmasave të poreve. Por kujdes, mos e teproni me scrub apo produkte pastrimi pasi mund të japë efekt të kundërt. Për këtë është e rëndësishme të përdoren produkte delikate dhe mos e teproni asnjëherë me përdorimin.

Asetet e nevojshme për të reduktuar poret e zgjeruara
Siç sugjeron dhe dermatologia Natasha Cook në blogun e saj, produktet me kolagjen, një përbërës natyral i pranishëm në lëkurën tonë, janë të nevojshme për të mbajtur një lëkurë kompakte.

Edhe mbrojtja kundër diellit është një aleat i mirë në luftën kundër poreve të zgjeruara, ndërsa mund të punoni me teksturën e lëkurës falë produkteve me doza të përqendruara të vitaminave B,C, A dhe peptideve.

Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.