MENU
klinika

Porositë e Gledis Nanos për drejtuesit e policisë

Drejtori i Policisë së Shtetit mbledh drejtuesit e policisë

05.01.2022 - 11:58

Zbardhen detaje nga takimi i drejtorit të Policisë së Shtetit Gledis Nano me drejtorët e departamenteve dhe drejtorët vendorë.

Burime bëjnë me dije për “Panorama.al” se në fokus të takimit ka qenë marrja e masave të menjëhershme për parandalimin e ngjarjeve kriminale, kapjen e personave në kërkim dhe të atyre që qarkullojnë me armë zjarri me vete.

Ndër të tjera, mësohet se Nano kërkoi nga vartësit e tij thellim të veprimeve hetimore me qëllim zbardhjen e ngjarjeve kriminale të ndodhura, identifikimin dhe kapjen e autorëve.

Po ashtu, burime pranë takimit theksuan se Drejtori i Përgjithshëm i Policisë së Shtetit kërkoi bashkëpunim dhe koordinim më të mirë mes strukturave policore që operojnë në pikat e kalimit kufitar, ato në terren e me shërbimet inteligjente.

Behet me dije se ndër porositë e Gledis Nano-s ishin edhe intensifikimi i kontrolleve në territor për parandalimin dhe goditjen e çdo paligjshmërie, bllokimin e automjeteve të vjedhura, si dhe kontrolle në varreza makinash apo servise, ku çohen mjetet që përdoren në ngjarje kriminale.

Ndërkaq, drejtori i Policisë u ndal edhe te parandalimi i aksidenteve rrugore, duke kërkuar intensifikim të kontrolleve me makinë inteligjente, radarë, mjete të paloguara.

Nano ka bërë të ditur se gjatë muajit janar, në të gjitha drejtoritë pritet të zhvillohen analizat vjetore dhe për këtë drejtori ka kërkuar nga drejtuesit e DVP-ve, që të nxirren problematikat, me qëllim marrjen e masve për t’i zgjidhur ato.

Sipas tij, sot fillojnë në terren 443 kursanët e rinj, për të cilët Drejtori i Përgjithshëm i Policisë së Shtetit kërkoi nga drejtorët vendorë, që t’i përkrahin dhe t’i motivojnë për të kontribuuar sadopak në përmirësimin e mëtejshëm të performancës së “bluve”.

Do të negociojë për të zgjidhur krizën brenda selisë blu?

A e njihni Berishën si kryetar të PD-së? Flet zyrtari i lartë i BE

"Nga eksodi, në eksod"

Tirana kryeqytet i Evropës!

“S’ka ecuri pa një opozitë të vërtetë”

Eurodeputeti jep mesazhet për Shqipërinë

E përfshirë në skema korruptive, ministri i Drejtësisë

Manja njofton shkarkimin e drejtueses së Agjencisë së Trajtimit të Pronave (EMRI)