Armando Broja është kthyer në kryefjalë jo vetëm për shqiptarët, por edhe për një pjesë të mirë të anglezëve. Tifozët e Southampton kanë një idhull të rid he dëshirojnë që sulmuesi shqiptar të vijojë së shënuari.
Ndërsa tifozët e Chelsea e ndjekin hap pas hapi, shpresojnë dhe besojnë se djaloshi i tyre do të rikthehet në shtëpi, e kërkojnë me ngulm diçka të tillë ndërsa tifozët kuqezi shohin tek Broja lojtarin që mund të udhëheq Shqipërinë drejt sukseseve të mëdha.
Broja është kthyer në “shenjtorin” e ri të Southampton, se herë ai shënon nuk humbasin kurrë. Ndaj Brentford, Broja shënoi golin e 5-të sezonal, një nga më të mirët në fushë, tifozët e votuan si “mbreti” i ndeshjes.
“Chelsea want him to stay” – Insider gives the lowdown on Southampton’s interest in Armando Broja: https://t.co/LoDSZII2qt
— #KTBFFH (@ChelseaNewsApp) January 13, 2022
Prestigjozja britanike “The Sun” i ka kushtuar një artikull special, duke theksuar se Southampton shpreson që Broja të qëndrojë më gjatë se sa huazimi deri në fund të sezonit, trajneri dhe tifozët i kërkojnë presidencës së re të blejnë kartonin e Brojës, nga të gjithë shihet si blerja perfekte.
Në të njëjtën kohë, gjithnjë sipas The Sun, Chelsea e vlerëson shumë talentin e akademisë, aq sa projekton të ardhmen e klubit më të në skuadër.
Në të njëjtën linjë me The Sun është edhe Marca, me të përditshmen spanjolle që e konsideron Armando Brojën si Diego Costën e ri të Chelsea. Çfarë duhet të bëjë shkodrani? Asgjë, thjesht të vijojë me këtë ritëm…
Në fund të këtij sezoni, londinezët do të jetë përpara një dilemë, të zgjasin huazimin e Brojës, ta shesin përfundimisht pasi mund të përfitojnë jo pak nga kartoni i tij apo ta rikthejnë në shtëpi duke parë formën shumë të dobët të Lukakut me shokë.
VAZHDO TË LEXOSH MË TEPËR PËR TEMËN
Broja fut në “sherr” Southampton me Chelsea
