Janë luajtur sot ndeshjet e para çerekfinale të grand slam-it Australian Open, duke përcaktuar edhe gjysmëfinalistët e parë. Rafael Nadal siguroi një biletë për në gjysmëfinale pas fitores 3-2 ndaj kanadezit Denis Shapovalov, një ndeshje që zgjati më shumë se 4 orë.
Spanjolli fitoi 6-3, 6-4 dy setet e para, por nuk e mbylli dot ndeshjen. Rivali kanadez “zgjohet dhe fiton 6-4, 6-3 dy setet e tjera, duke çuar ndeshjen në setin final. Në këtë set nuk ka histori, pasi Nadal dominon dhe fiton 6-3. Përballë tij në gjysmëfinale do të jetë fituesi i sfidës Monfils-Berrettini.
One for the ages ✨
🇪🇸 @RafaelNadal defeats Denis Shapovalov 6-3 6-4 4-6 3-6 6-3 to reach his seventh #AusOpen semifinal.#AO2022 pic.twitter.com/2vp5Enfeep
— #AusOpen (@AustralianOpen) January 25, 2022
Te femrat, gjysmëfinalistja e parë është tensitja amerikane Madison Keys. Ajo mundi 2-0 (6-3, 6-2) çeken Barbora Krejcikova. Një fitore e lehtë e Keys, surpriza e këtij turneu, që për herë të dytë në karrierë shkon deri në katërshen e këtij turneu. Ajo pret të mësojë emrin e fitueses që do të dalë nga sfida Barty-Pegula.