MENU
klinika

Noka sms me Nikollën dhe Manjën

PD: Berisha dhe Rama bashkëpunojnë ngushtë në biznese dhe…

27.01.2022 - 16:45

Pas disa fotove të publikuara sot nga BalkanWeb ku shihej se si deputeti i PD-së, Flamur Noka komunikonte përmes aplikacionit Whatsapp me kryeparlamentaren Lindita Nikolla dhe ministrin e Drejtësisë, Ulsi Manjën, vjen një reagim nga selia blu.

Përmes një mesazhi në rrjetet sociale, kreu i grupit parlamentar të demokratëve, Enkelejd Alibeaj tha se kjo tregon që ish-kryeministri Berisha dhe kryeministri Rama bashkëpunojnë ngushtë në biznese dhe në luftën kudër PD-së.

REAGIMI I ALIBEAJT
Që prej 9 shtatorit, Sali Berisha, për të hequr vëmendjen nga non grata e tij për korrupsion, ka nisur një fushatë të turpshme shpifjesh e mashtrimesh kundër lidershpit të PD. Ndërsa hedh mashtrime nga më ordineret, familjarët dhe bashkëpunëtorët e tij vazhdojnë të pasurohen duke bashkëpunuar me Edi Ramën dhe qeverinë e tij.
Edi Ramës i duhet një njeri si Sali Berisha, ish-kryeministri i vetëm në Europë i shpallur non grata për korrupsion, një njeri i izoluar nga SHBA dhe BE. Prandaj Rama i ka vënë në dispozicion gjithë makinerinë e propagandës së tij duke bashkëpunuar më së miri me të, siç ndodh dhe në këtë komunikim të kapur nga mediat ku Flamur Noka bashkërendon me Ulsi Manjën dhe Lindita Nikollen.
Nga njëra anë ndajnë pazare dhe koordinojnë luftën kundër PD, nga ana tjetër foltorexhinjte non-grata sulmojnë lidershipin e PD. Kushdo me sy në ballë e mend në kokë e kupton tashmë se në Shqipëri ka vetëm një opozitë, që është PD. Rama dhe Berisha janë njësoj. Zgjidh Ramën dhe merr edhe Berishën. Zgjidh Berishën dhe merr Ramën