MENU
klinika

Çfarë thonë analistët

Shtohet presioni ndërkombëtar për marrëveshje finale

29.01.2022 - 10:51

Një angazhim i shtuar nga SHBA-ja dhe BE-ja po shihen në raport me arritjen e një marrëveshje përfundimtare mes Kosovës dhe Serbisë.

Madje për këtë çështje dy njerëz të fuqishëm nga Administrata Biden dhe BE-ja do të vijnë në Kosovë për të dhënë mesazhet e tyre për Qeverinë e Kosovës.

Diplomati amerikan pak ditë para ardhjes dha sinjale se marrëveshja duhet të përfundojë me njohje reciproke. E për shumë kënd në Kosovë situata në Qeverinë e Kosovës ka filluar të nxehet.

Sipas Agon Maliqit përfaqësuesit e SHBA e BE do të vijnë në Kosovë me propozime konkrete në raport me Asociacionin.
“Ka filluar të nxehet situata…Kësaj here ndërmjetësuesi Lajçak, por edhe SHBA-të vijnë me propozime konkrete për Asociacionin”, deklaroi për RTV Dukagjinin, Agon Maliqi.

Situatë të njëjtë po parashikon edhe dikush që vepron në Shtetet e Bashkuara të Amerikës.
“SHBA duan progres në dialog dhe progres në lidhje me implementimin e Asociacionit si pjesë kyçe e marrëveshjes përfundimtare”, deklaroi Driton Gashi.

Ndërkohë zëvendëskryeministri Besnik Bislimi ka paralajmëruar se janë duke negociuar një lloj marrëveshje mirëbesimi në Bruksel me Serbinë ku palët nuk do të sulmonin njëra-tjetrën.

Por Analisti Agon Maliqi thotë se kjo pjesë është shumë e mjegullt pa u zyrtarizuar.

Çfarë shkruan media e njohur bavareze?

“Faktor jostabiliteti është Serbia, Merkel gaboi”

Ambasadori amerikan: Serbia duhet të...

“Kosova dhe Ukraina janë situata të ndryshme”

Vëllai e gjeti të shtrirë në dysheme

Tragjike/ Humb jetën nxënësi i klasës së gjashtë