Një grup eurodeputetësh në Parlamentin Europian i kanë kërkuar presidentit të UEFA-s, Aleksander Ceferin, që të anulojë finalen e Champions League që është planifikuar në San Petersburg në këtë edicion, për ta shpërngulur në një qytet tjetër jashtë Rusisë si pasojë e situatës që po zhvillohet në Ukrainë.
“Duke parë situatën e rënduar pas njohjes nga ana e Putin të republikave separatiste të Donbas dhe pushtimin e trupave ruse në Ukrainë, është e qartë se qyteti i San Petersburgut nuk mund të presë finalen e Champions League më 28 maj”, tha eurodeputetja gjermane e “Të Gjelbërve”, Viola von Kramon-Taubadel.
Kjo nuk dukej thjesht një sugjerim, por më shumë si një urdhër. Gjithashtu kanë kërkuar që UEFA të ndërpresë edhe marrëveshjen e sponsorizimit të kompanisë “Gazprom”, e cila që nga viti 2012 është një nga sponsorët kryesorë të Champions.
Tani mbetet të shihet si do të reagojë UEFA, teksa komenti i vetëm ka qenë se “po monitoron nga afër situatë dhe çdo vendim do të merret kur dhe nëse do të jetë e nevojshme”, por duke shtuar se “për momentin nuk ka plane për ndryshim”.
VAZHDO TË LEXOSH MË TEPËR PËR TEMËN
“Ekipet angleze, bojkot finales së Champions në Rusi”
UEFA mund t’i heqë Rusisë finalen e Champions
