Duke folur të shtunën në Varshavë, në vijën e parë të demokracisë evropiane ndërsa lufta në Ukrainën fqinje është ndezur, presidenti Biden pa dyshim synonte të evokonte dy fjalime të mëdha të Luftës së Ftohtë në Portën e Brandenburgut të Berlinit – një nga John F. Kennedy në 1963 dhe një nga Ronald Reagan në 1987.
Fjala e Biden për demokracinë dhe për solidaritetin e NATO-s ishte, për një president që nuk konsiderohet të jetë një folës i shkëlqyer, elokuent dhe nxitës.
“Një diktator i vendosur për të rindërtuar një perandori nuk do ta fshijë kurrë dashurinë e një populli për lirinë. Brutaliteti kurrë nuk do të shkatërrojë vullnetin e tyre për të qenë të lirë”, deklaroi presidenti. “Ukraina nuk do të jetë kurrë një fitore për Rusinë, sepse njerëzit e lirë refuzojnë të jetojnë në një botë pashpresë dhe errësirë.”
Fjalimi mund të njihet në vitet e ardhshme për një rresht, të cilin Shtëpia e Bardhë e tërhoqi shpejt. “Për hir të Zotit, ky njeri nuk mund të qëndrojë në pushtet,” thirri Biden, pasi më herët deklaroi se Rusia e kishte humbur tashmë objektivin e saj strategjik.
Kjo ishte një deklaratë e guximshme, një deklaratë që në thelb fshiu çdo marrëdhënie me presidentin rus Vladimir Putin, megjithëse Biden nuk bëri thirrje që Shtetet e Bashkuara të bëjnë ndryshimin e regjimit, duke ia lënë këtë popullit rus.
Në çdo rast, Shtëpia e Bardhë sqaroi më vonë: “Qëndrimi i presidentit ishte se Putini nuk mund të lejohet të ushtrojë pushtet mbi fqinjët e tij apo rajonin. Ai nuk po diskutonte fuqinë e Putinit në Rusi, apo ndryshimin e regjimit.”
Fjalimi mund të mbahet mend edhe për komentet e përzemërta të ofruara drejtpërdrejt për rusët e zakonshëm. “Më lejoni ta them këtë nëse jeni në gjendje të dëgjoni: ju, populli rus, nuk jeni armiku ynë”, tha Biden.
Pasi përshkroi vuajtjet njerëzore dhe shkatërrimet e këtij konflikti, Biden e siguroi popullin rus: “Po ju them të vërtetën: kjo luftë nuk është e denjë për ju, populli rus”.
Kjo është një taktikë e mençur, sepse populli rus përfundimisht do të duhet të vendosë për fatin e Putinit dhe nëse regresioni i tyre ekonomik dhe politik duhet të përfundojë.
Biden na kujton edhe një herë se sa me fat jemi që kemi një diplomat me përvojë dhe një përkrahës energjik të aleancave tona demokratike në Zyrën Ovale dhe që na përfaqëson jashtë vendit, në vend të qenushit të Putinit, i cili përforcoi propagandën ruse dhe shkatërroi lidhjet që lidhin Shtetet e Bashkuara dhe Evropë.
Disa aspekte të mëtejshme të fjalimit të Biden-it, më të mirat e mbajtura dhe më emocionale të presidencës së tij, meritojnë vëmendje.
Si fillim, disfata aktuale e Rusisë – jo thjesht një fitore e pjesshme apo një fitore pa nënshtrim të Ukrainës – është në sferën e realitetit. Rusia duket se po kthehet nga Kievi, duke u fokusuar në Donbas.
Me fjalë të tjera, Putini së shpejti mund të kuptojë se ëndrra e tij për të rindërtuar perandorinë ruse ka dështuar, të paktën tani për tani.
Nëse ai kërkon të pretendojë një fitore shumë më të vogël, konsiderojeni këtë si një histori të vërtetë të Davidit dhe Goliathit, një triumf të jashtëzakonshëm të një populli demokratik.
Gjithashtu, Biden ishte i kujdesshëm për të paralajmëruar se beteja për demokraci nuk do të jetë e shkurtër. Lufta e Ftohtë mori më shumë se 40 vjet për tu fituar. Por sakrificat (çmimet më të larta të energjisë, rritja më e ngadaltë ekonomike) kërkojnë durim, diçka që nuk është shumë e zakonshme në politikën amerikane.
Së fundi, Biden duhet të marrë parasysh fuqimisht një fjalim paralel në “shtëpinë” e tij për të trajtuar kërcënimet ndaj demokracisë të paraqitura jo nga një diktator i huaj, por nga një lëvizje e krahut të djathtë.
Biden duhet të sjellë me vete një pjesë të gjuhës elokuente që përdori në Poloni – dhe të fillojë të trajtojë kërcënimin autoritar që paraqet GOP në Shtetet e Bashkuara.
Burimi: The Washington Post
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
“Putini do të tentojë përmbysjen e qeverisë ukrainase”
“Me Rusinë, do jemi të ashpër!”
