“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Cilat janë shenjat paralajmëruese të sëmundjes së mushkërive?
Mjeku: Shenjat e hershme të sëmundjes së mushkërive janë të lehta për t’u neglizhuar. Njohja e shenjave paralajmëruese mund t’ju ndihmojë të merrni trajtim përpara se gjendja të bëhet serioze. Nëse keni ndonjë nga këto simptoma, këshillohuni me mjekun tuaj:
Probleme me frymëmarrjen ose gulçim: Nuk është normale të kesh gulçim pa arsye, ose që nuk largohet pas stërvitjes.
Ndjenja sikur nuk po merrni mjaftueshëm ajër: Frymëmarrja e lodhur, kur është e vështirë të merrni frymë brenda dhe jashtë, është një shenjë paralajmëruese e sëmundjeve të mushkërisë.
Kolla kronike: Kollitja për më shumë se një muaj, mund të jetë një sinjal se diçka nuk është në rregull me sistemin tuaj të frymëmarrjes.
Kollitja me gjak: Gjaku mund të vijë nga mushkëritë ose trakti i sipërm i frymëmarrjes, duke sinjalizuar një problem shëndetësor.
Prodhimi kronik i mukusit: Mukoza mund të mbrojë kundër infeksioneve ose irrituesve. Por rritja e prodhimit të mukusit për më shumë se një muaj mund të tregojë sëmundje të mushkërive.
Dhimbje kronike në gjoks: Dhimbja e pashpjegueshme e gjoksit që zgjat më shumë se një muaj dhe përkeqësohet kur merrni frymë ose kolliteni, është një shenjë paralajmëruese.
Lodhja: Nëse ndiheni të lodhur vazhdimisht edhe pse flini mjaftueshëm, atëherë ka një problem me mushkëritë. Gjithçka ka të bëjë me mungesën e oksigjenit në organizëm që shteron energjitë.
Sekrecionet: Në shumicën e rasteve, kolla shoqërohet me sekrecione. Këto të fundit mbajnë bakteret, pluhurin dhe polenin të bllokuara dhe pengojnë rrugëtimin e tyre drejt mushkërive. Nëse keni shumë sekrecione që nuk vijnë si pasojë e të ftohurës apo gripit, atëherë kjo nuk është një shenjë e mirë. Për më tepër, ju mund të vini re ndryshime në ngjyrën, aromën, sasinë dhe trashësinë e sekrecioneve.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“Babai po shkonte tek mjeku, por rrugës u ndal në një… “
“Në fillim kisha ethe dhe dhimbje trupi, pas disa ditësh…”
“Para 10 vitesh kemi shëruar një pacient me Covid”
