Max Verstappen me Red Bull fitoi sot garën e Imola në Formula 1, suksesi i dytë sezonal për kampionin e botës. Një garë e dominuar përgjatë 63 xhirove nga piloti holandez, që për asnjë moment nuk e lëshoi kreun.
I dyti u rendit shoku i tij i skuadrës, meksikani Sergio Perez, ndërsa i treti britaniku Lando Norris me McLaren. Një garë për t’u harruar për Ferrarin, në asnjë moment pretendente për fitore, shumë larg paraqitjeve të garave të mëparshme.
Charles Leclerc u rendit i gjashti, ndërsa shoku i tij i skuadrës Carlos Sainz nuk e mbylli dot atë, duke dalë nga pista që në xhiron e parë pas një kontakti me Daniel Ricciardo.
Gara nisi në pistë të lagur, për shkak të shiut dhe më pas pilotët ndërruan gomat kur pista u tha. Pavarësisht kësaj, Red Bull ishte e pakapshme, gjithnjë më e shpejtë në pistë. Leclerc, që nisej i dyti, bëri një garë anonime, madje pati edhe një aksident në xhirot e fundit. Gjithsesi, ai ruan kreun e renditjes botërore.
🏁 END OF RACE 🏁
TOP 10
Verstappen
Perez
Norris
Russell
Bottas
Leclerc
Tsunoda
Vettel
Magnussen
Stroll#ImolaGP #F1 pic.twitter.com/CKQD577jZf— Formula 1 (@F1) April 24, 2022
Në vendet 4-5 u renditën George Rusell me Mercedes e Valtteri Bottas me Alfa Romeo, ndërkohë që zhgënjen edhe Lewis Hamilton. 7 herë kampioni i botës u klasifikua në vendin e 13-të, duke mos marrë dot asnjë pikë. Kjo garë tregoi se makina gjermane është shumë larg Red Bull e Ferrari, duke mos rivalizuar dot.
