MENU
klinika

Pas mesazheve kërcënuese

Hapen shkollat në Malin e Zi, policia në këmbë

28.04.2022 - 12:21

Një ditë pas mesazheve kërcënuese për bomba në disa institucione vendore dhe shkolla këtë të enjte në Malin e Zi mësimi ka vijuar normalisht nën mbikëqyrjen e policisë. mediat vendase bëjnë me dije se autoritetet e sigurisë kërkojnë që të raportohet çdo rast i dyshimtë.

Sipas planit të UP-së, institucionet arsimore malazeze mëngjesin e sotëm janë duke vizituar patrullat e zyrtarëve të UP-së, duke biseduar me punonjësit në shkolla dhe kopshte, duke sqaruar se çdo sjellje e dyshimtë duhet të raportohet menjëherë.

Policia ka marrë masa parandaluese pas valës së re të djeshme të mesazheve shqetësuese dhe kërcënimeve për fëmijët nëpër shkolla, të cilat kanë mbërritur në email-et zyrtare të institucioneve të shumta në Mal të Zi, për këtë arsye është marrë vendimi për ndërprerjen e mësimit dhe punës në të gjitha institucionet arsimore.

Në email-et kërcënuese, një person i panjohur ose disa prej tyre deklarojnë se “në territorin e shkollës janë vendosur shumë bomba”.

Policia ka evakuuar rreth 200 institucione dhe gjatë kontrollit nuk ka gjetur asgjë të dyshimtë.

Nëpërmjet asistencës ndërkombëtare, hetuesit po kontrollojnë se nga kanë ardhur kërcënimet, cila organizatë apo individ është përgjegjës për serinë e ngacmimeve, por edhe cili është qëllimi i një veprimi të tillë.

VAZHDO TË LEXOSH MË TEPËR PËR TEMËN