Mund të jetë e kotë të thuash se Bashkimi Evropian është nervozuar nga demonstrimi i pushtetit i Vladimir Putin në Ukrainë.
Mjafton të thuhet se kancelari gjerman, Olaf Scholz, është nën presionin e partnerëve të tij të koalicionit. Kjo është shprehur në paralajmërimin se hezitimi i tij po i shkakton dëme masive pozitës ndërkombëtare të Gjermanisë.
Menjëherë pas pushtimit rus, Scholz kishte shpallur një Zeitenwende (agimi i një epoke të re) në politikën e mbrojtjes së Gjermanisë. Kjo parashikonte dërgesat e raketave antitank dhe kundërajrore në Ukrainë.
Kjo vjen pas një investimi prej 100 miliardë eurosh në ushtrinë gjermane. Por të gjitha këto premtime mbeten në letër.
Në të vërtetë, disa nga aleatët me ndikim të kancelares kanë vënë në dyshim nëse ky “revolucion”, si të thuash, po i përmbush pritshmëritë. Berlini, do të ishte e dobishme të theksohej, ka penguar planet për një embargo të BE-së ndaj naftës ruse. Qeveria ka bllokuar propozimet për të dërguar tanke dhe automjete të tjera të blinduara në Ukrainë. Scholz-it i është kërkuar të ndjekë shembullin e Republikës Çeke, e cila dërgoi më shumë se një duzinë tanke T-72. Për më tepër, Shtetet e Bashkuara thanë të enjten se do të përfshinin automjete të blinduara dhe artileri në një paketë shtesë ndihme ushtarake prej 800 milionë dollarësh për Ukrainën.
Gjermania ka refuzuar një thirrje nga Kievi për 100 transportues të blinduar të personelit Marder të epokës 1970.
Kancelari Scholz tha këtë javë se Gjermania do të dërgonte ato që ai i quajti armë “korrekte dhe të arsyeshme”, por nuk do të ndërmerrte asnjë hap që do të rrezikonte ta tërhiqte vendin e tij në pushtimin rus të Ukrainës.
Humbja e anijes së flotës së Detit të Zi të Marinës ruse do ta bëjë më të vështirë marrjen e kontrollit të plotë mbi bregdetin jugor të Ukrainës dhe përfundimisht kalimin në qytetin port të Odessa. Roli kryesor i anijes, Moskva, kryente sulme me raketa precize në qendrat logjistike dhe fushat ajrore të Ukrainës.
“Humbja e Moskës do të zvogëlojë aftësinë e Rusisë për të kryer sulme me raketa lundrimi, por nuk ka gjasa t’i japë një goditje vendimtare operacioneve ruse në tërësi,” thuhet në një analizë nga Instituti për Studimin e Luftës, një institut me bazë në Uashington.
Ukrainasit pretenduan se anija ishte fundosur pasi u godit nga një raketë kundër anijes.
Kjo është mohuar nga Kremlini. As për këtë çështje nuk është konfirmuar nga inteligjenca perëndimore. Shtetet e Bashkuara nuk kishin të dhëna të mjaftueshme për të përcaktuar nëse Moskva u godit nga një raketë.
Por nëse anija pësoi një goditje ose u dëmtua nga sulmi, humbja e prestigjit të Rusisë ka qenë e rëndësishme.
Burimi: TS
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
Dërgoni Merkelin në Moskë!
