23.04.2022 - 18:56
Shkupi është matematikisht kampione në Maqedoninë e Veriut. Kjo skuadër fitoi sot 2-0 ndaj Renovës, në një sfidë me shumë vuajtje. Për të parë golin e parë na duhej të prisnim minutën e 81-të.
Më pas, shkupjanët bënë gjithçka mirë edhe në fund, pasi gjetën golin e sigurisë. Kjo fitore kampionati vjen pas 2 dekadash pritje. Shkupi ka bërë një sezon fenomenal, ku pas 29 ndeshjesh, ka grumbulluar 71 pikë, duke lënë prapa emra të rëndësishëm si Shkëndija e Vardar.
Skuadra ka provuar humbjen vetëm 2 herë këtë sezon, ndërsa ka barazuar 5 herë, sakaq numëron 22 fitore. Kjo arritje me siguri do festohet shumë, me tifozët që tashmë kanë filluar të organizohen.
