Tenisti Stefanos Tsitsipas fitoi turneun Masters të Monte Carlos, pasi mposhti 2-0 (6-3, 7- 6) në finale spanjolli Alejandro Davidovich Fokina. Ky i fundit pat shrpesuar në një mrekulli, teksa pat eliminuar edhe Djokovic, por nuk arriti të realizojë ëndrrën, duke u ndalur në fund.
Për tenistin grek ky është viti i dytë me radhë që fiton këtë turne të fushave me dhè, duke treguar një nivel të mirë. Ai konfirmon gjithashtu se është një tenist që përshtatet mjaft mirë me këtë sipërfaqe, duke qenë kandidat edhe për grand slam e Roland Garros.
Për Tsitsipas ky është triumfi i dytë në një turne Masters, të dyja të fituara në Monte Carlo dhe titulli i tetë i madh në karrierën e tij. Gjithsesi, ai qëndron ende i pesti në renditjen botërore.
#tsitsipas is back for the European Clay season pic.twitter.com/57qTV3Pajp
— Paolo G. Grignaschi (@grignaschi) April 17, 2022
