MENU
klinika

Mësojeni...

A është një dietë vegjetariane e shëndetshme për fëmijët?

18.05.2022 - 16:07

Që nga viti 1995, numri i fëmijëve në dietë vegjetariane është rritur ndjeshëm, duke ngritur pyetjen nëse një zgjedhje e tillë është e sigurt për fëmijët.

Një nga ndryshimet më të rëndësishme në dietë vitet e fundit është konsumimi i reduktuar i mishit. Edhe pse në të kaluarën një dietë e pasur me ushqime shtazore ishte baza e mirëqenies fizike dhe mendore.

Në ditët e sotme, abstenimi nga mishi duket se ndihmon në parandalimin dhe uljen e rrezikut të sëmundjeve kronike, si sëmundjet kardiovaskulare, obeziteti, diabeti dhe disa lloje kanceri.

Për të gjitha sa më sipër por edhe për shumë arsye të tjera, numri i fëmijëve në dietë vegjetariane është rritur në mënyrë dramatike, duke ngritur pyetjen nëse një zgjedhje e tillë është e sigurt për fëmijët në zhvillim.

Ka shumë që argumentojnë se një dietë vegjetariane është një zgjedhje e shëndetshme për fëmijët, megjithëse sipas një studimi të ri, vegjetarianizmi mund të rrisë pak shanset që të rinjtë të jenë nën peshë.

Studimi i rreth 9,000 fëmijëve të vegjël zbuloi se ata që mbanin një dietë vegjetariane ishin mesatarisht të ngjashëm në peshë dhe gjatësi me bashkëmoshatarët e tyre që hanë mish. Ishte gjithashtu në të njëjtin nivel kur bëhej fjalë për nivelet e hekurit në gjak dhe vitaminës D, të cilat mund të ishin më të vështira për t’u mbajtur nëse ndiqni një dietë pa mish, peshk dhe, ndonjëherë, produkte qumështi.

Problemi i vetëm ishte se fëmijët vegjetarianë kishin dy herë më shumë gjasa se fëmijët e tjerë të ishin nën peshë. Megjithatë, shumica dërrmuese – 94% nuk ishin.

Akademia e Ushqyerjes dhe Dietologjisë gjithashtu thekson se një dietë vegjetariane e dizajnuar mirë është e përshtatshme për njerëzit e të gjitha moshave, përfshirë fëmijët e vegjël.

Për sa i përket probabilitetit më të lartë që fëmijët të jenë nën peshë, është diçka që pediatër duhet të kenë kujdes, ndërkohë që prindërit mund të kenë nevojë për ndihmë nga një nutricionist për të krijuar një dietë të ekuilibruar.

Një dietë vegjetariane mund të jetë e shëndetshme në çdo moshë

Gjithashtu në një dietë vegjetariane mund të jetë më e vështirë për fëmijët që të marrin sasinë e duhur të disa lëndëve ushqyese, duke përfshirë zinkun, vitaminën B12, proteinat dhe kalciumin. Megjithatë kjo varet nga ushqimet që ata konsumojnë dhe kombinimet që bëjnë për të marrë të gjitha vitaminat dhe mineralet që i nevojiten trupit.

Së fundi, shumë 2-vjeçarë janë vegjetarianë pa inkurajimin e prindërve, pasi mund të kenë vështirësi në përtypjen dhe gëlltitjen e mishit dhe mund të preferojnë burime proteinash si fasulet.

VAZHDO TË LEXOSH MË TEPËR PËR TEMËN