Barazohet seria e ndeshjeve finale në Konferencën e Lindjes në NBA. Boston Celtics fitoi 102-82 ndaj Miami Heat në finalen e katërt play off, duke barazuar 2-2 serinë e takimeve. Fitore e merituar e Boston, që e dominoi sfidën luajtur në fushën e tij, duke treguar forcën përballë një Miami të shpërfytyruar.
Titullarët e Miami realizuan në total 18 pikë, një shifër katastrofike, duke treguar se nuk ishin në një ditë të mirë. Më i miri për miqtë ishte Oladipo me 23 pikë, që e nisi takimin nga stoli.
Për Boston shkëlqeu Tatum me 31 pikë, por edhe pjesa tjetër e skuadrës e mbështeti në këtë fitore. Tashmë seria e ndeshjeve spostohet në Florida, por gjithçka duket e hapur në Lindje, teksa faktori fushë ka ndikuar. Ndërsa në Perëndim, skuadra e Golden State udhëheq 3-0 serinë ndaj Dallas dhe është një fitore larg titullit.
